Бага дунд орлоготой иргэдэд зориулсан орон сууцны төслүүд №1 "Ханын материал орчимд хэрэгжүүлэх түрээсийн орон сууц"
Бага дунд орлоготой иргэдэд зориулсан орон сууцны төслүүдийг та бүхэндээ цуварлаар танилцуулж байна.
Цуврал №1 : "Ханын материал орчимд хэрэгжүүлэх түрээсийн орон сууц"
Улаанбаатар хотын дагуул хаяа, хот тосгон, шинэ суурьшил хорооллыг
хөгжүүлэх зорилготой энэ төслийг нийслэлийн төв цэгээс 7.3км зайд,
Сонгинохайрхан дүүргийн 6 дугаар хорооны нутаг дэвсгэрт Ханын материал
орчимд гэр хорооллоор хүрээлэгдсэн суурьшил үүсээгүй 5.0 га газарт
хэрэгжүүлэх юм. Инженерийн дэд бүтэцтэй энэ газарт 1006 өрхийн түрээсийн
орон сууцыг барих бөгөөд нийт газар нутгийн 12 хувьд нь ногоон байгууламж,
25 хувьд нь явган зам, тоглоомын талбай, 16 хувьд цэцэрлэг, 23 хувьд хорооллын
доторх зам талбай, 17.2 хувьд нь барилга, орон сууц баригдах ажээ.
Эх сурвалж: Барилга.мн